 Аляксандар, прымеце шчырыя пажаданні ад нашага руху. Хай Добры Бог заўсёды будзе ў вашым сэрцы, хай напаўняе Ваша жыццё сваімі ласкамі, хай адорвае трывалым здароўем душы і цела. А Найсвяцейшая Маці заўсёды апякае Вашу сям'ю. З Днём нараджэння!
|
 Паважаны Аляксандар, рух Equipes Notre-Dame шчыра віншуе Вас з юбілейным Днём нараджэння. Хай наш нябесны Айцец заўсёды будзе ў Вашым сэрцы. А Марыя, наша Маці, хай штодня мае Вас у сваёй апецы. Поспяхаў у справах, дабрабыту ў сям'і, здароўя і шчасця на доўгія гады. Віншуем!
|
 Шаноўны ксёндз Андрэй!Прыміце ад усіх удзельнікаў самыя шчырыя віншаванні з нагоды Дня Анёла. Няхай добры Бог апраменьвае святлом кожны дзень Вашага жыцця і адорвае здароўем, радасцю і цярплівасцю. Жадаем Вам здароўя, людской добразычлівасці, душэўнага супакою, цішыні ў сэрцы, радасці, нязгаснага запалу ў працы на карысць Богу і людзям, а таксама прыгожага і шчодрага плёну на Божай ніве. Буг заплаць за Вашу працу, ксёндз Андрэй.
Просім Цябе, Святы Андрэй Баболя, праз твае паслугі перад Богам і любоў, якою Ты да Яго палаў, выпрасі для ксяндза Андрэя, шчодрых Ласкаў. Дапамагай Яму таксама на працягу ўсяго Яго жыцця, каб дзякуючы твайму прыкладу, Ён заўсёды быў паяднаны з Сэрцам ,Езуса і заставаўся пад апекаю Яго Беззаганнай Маці.
|
 12 мая 2012 года адбыўся Дзень Скупення ў парафіі Святога Зыгмунда ў Баранавічах. На гэтай сустрэчы прысутнічалі сем’і сямейнага руху “EQUIPES NOTRE – DAME”, ксёндз Андрэй Сіповіч, кіраўнік руху на Беларусі, ксёндз Адам Самсэль, ксёндз Павел Врубель, ксёндз Валянцін Ляўковіч. На гэтае меапрыемства былі запрошаны іншыя сем’і, каб супольна ўсхваляць і славіць Пана Бога. Усе прысутныя маглі выкарыстаць магчымасць Сакрамэнту Пакаяння. Пасля ўрачыстай Святой Імшы распачалася канферэнцыя ксяндза Андрэя Сіповіча, у якой былі закрануты важныя пытанні сямейнага жыцця. Цікавым і шчырымі было сведчанне сям’і Наталлі і Яўгенія Папок аб тым, што жыццё змяняецца ў лепшы бок, калі адчыніць сэрцы для Езуса Хрыста, запрасіць Бога у свой дом.
|
|
 Паважаныя ўдзельнікі руху!
Запрашаем сардэчна маліцца ў інтэнцыі Х пілігрымкі сем’яў да Маці Божай Ліхеньскай.
Прапануем маліцца дзесяць дзён з 10 мая. Няхай агульнай нашай малітвай стане Літанія да Найсвяцейшай Панны Марыі, апякункі нашых суполак.
Экіпа Сектара
|
 Паважаная Святлана, рух Equipes Notre-Dame шчыра віншуе Вас з Днём нараджэння! Жадаем Вам моцнага здароўя, вясёлага настрою, шчырага сэрца, непахіснай веры, спаўнення ўсіх мар. Хай добры Бог адорвае сваімі ласкамі Вас і Вашу сям'ю. Са святам!
|
 6 мая 2012 года адбылася сустрэча новай экіпы горада Нясвіжа. Дзякуй Богу, усе запрошаныя сем’і сабраліся ў гасцінных гаспадароў, сям’і Крук Дзмітрыя і Ірыны.
Прыемна, што на кожную сустрэчу прыязджае ксёндз Андрэй Сіповіч. Ведаем, колькі спраў у гэтага святара. Але негледзячы на гэта, святар паспявае працаваць з чатырма экіпамі, знаходзіць трапныя словы, якія пакідаюць глыбокі след у нашых сэрцах.
|
 29 красавіка 2012 года адбылася чарговая сустрэча сужэнстваў Экіпы №2. Спачатку суполка дзялілася сваімі радасцямі, праблемамі і клопатамі, навінамі, рашаліся арганізацыйныя пытанні.
Затым маліліся, чыталі Слова Божае, абмяркоўвалі Яго. Мела месца, як заўсёды, і малітва ў асабістых інтэнцыях.
Былі разгледжаны такія важныя пытанні, як місія суполкі, роля братэрскіх заўваг, сведчанне веры, будаванне правільных адносін дома, на працы, у руху. Шмат было разважанняў. Пары цудоўна дзяліліся сваімі думкамі наконт карысці руха для іх сямейнага жыцця і іншых аспектаў.
|
|
