Няхай любоў жыве ў нас!
16 студзеня, у панядзелак, адбылася сустрэча Экіпы сектара. На сустрэчу быў запршаны кс. Андрэй Сіповіч, пробашч парафіі святога Юзафа ў Гарадзеі. Пары Экіпы Сектара звярнуліся да святара з просьбай стаць духоўным дарадцам Экіпы Сектара. На сустрэчы вырашаліся многія пытанні развіцця руху. Спадзяёмся, што праведзены Дзень Сектара прынясе плён у развіцці нашых экіп.
Ужо традыцыйна, кожную другую нядзелю месяца, ў парафіі Божага Цела ў Нясвіжы адбываюцца Святыя Імшы за ўдзельнікаў руха “Equipes Notre-Dame”, за сем’і і за святароў.
Так і 8 студзеня 2012 года не было выключэннем. Святая Імша была ўрачыстая з нагоды свята – Хроста Пана. Упрыгожаны, велічны касцёл для нас, сямей, здаваўся яшчэ прыгажэйшым і раднейшым. Нам было радасна, што мы ўсе разам сабраліся, каб супольна сустрэцца з Езусам. Мы ўсе добра ведаем, як патрэбна для нас гэта малітва, і якую яна мае сілу ў нашым жыцці.
Мы заўсёды з Вамі!
30 снежня, у Дзень Святой Сям’і, удзельнікі руху “EQUIPES NOTRE – DAME” сабраліся ў касцёле Святой Троіцы ў г. Клецку на Свяую Імшу.
Мы ўдзячны Добраму Богу за гэтую ўрачыстую святочную Імшу, за падтрымку Святой Сям’і, за рух. Падчас Святой Імшы ўсхвалялі Святую Сям’ю, маліліся за добрага айца, самааданага духоўнага дарадцу – шаноўнага ксяндза Эрвіна.
Але ўсім было сумна ад таго, што гэтая Імша была развітальная з паважаным нашым ксяндзом Эрвінам. За восем гадоў працы ў руху гэты святар быў для нас усіх прыкладам веры, самаахвярнасці, шчырасці, тактычнасці і пунктуальнасці.
Як бы не склалася далейшае нашае жыццё, мы заўсёды з Вамі, ксёндз Эрвін, ў думках і малітве!
 Прыйдзіце да Збаўцы верныя са спевам,
Прыйдзіце да ясляў яго ў Бэтлеем!
З гімна “Adeste fideles”
Паважаныя Сужанствы руху Equipes Notre-Dame !
Нарадзіўся для нас Збавіцель - усяго свету Адкупіцель”.
У гэтыя радасныя дні Божага Нараджэння мы спяваем гэтыя словы каляднай песні, будучы сведкамі прысутнасці Бога ў нашым жыцці. Праўда пра нараджэнне Езуса ідзе поруч з праўдай пра нашае нараджэнне да новага жыцця, з напамінам пра тое, кім мы ёсць на самай справе.
18 снежня 2011 года адбылася чарговая сустрэча нашай экіпы. Негледзячы на шэраг мерапрыемстваў, наша Суполка сабралася, каб падзякаваць Добраму Богу за жыццё, за рух, за дарагога ўсім нам ксяндза Эрвіна, за ўсіх духоўных дарадцаў экіп, за тыя незлічоныя Ласкі, якімі адорвае нас Збавіцель, за мацярынскую Апеку Маці Божай. Мелі магчымасць падчас ядзэння падзяліцца ўражаннямі ад Вілігійнай сустрэчы ва Уздзе. Дзякуй Богу, што ёсць такі рух, што ёсць такія сустрэчы, куды з’язджаюцца святары, сем’і з розных куткоў Беларусі.
 18 снежня прайшло чарговае спатканне суполкі ў п. Негарэлае. Узмоцненныя папярэднім аплатковым спатканнем, сем'і сабраліся, каб зноў і зноў праслаўляць Пана. Пад час сумеснага пасілку вяліся размовы пра аплатковае спатканне, якім усе былі вельмі задаволеныя. Таксама паразмаўлялі пра жыццё парафіі і надыходзячым велічным свяце. Было прынята рашэнне, што на Божае Нараджэнне ізноў пойдзем па калядзе, разносіць добрую навіну і несці радасць нашым братам і сёстрам.
 Чтобы жизнь принесла плод
Если кто хочет идти за
Мною, отвергнись себя, и возьми
Крест свой, и следуй за Мною (Мф. 16, 24)
Довольно ли мы проникнуты смыслом этих слов: «отвергнись себя»? Каждый из нас знает в теории, что надо жить для других, что эгоизм есть большой порок, но понимаем ли мы вполне, что значит отвергнуться себя? И исполняем ли мы это повеление, идя за Иисусом Христом?
|
